"Yuventus" "Portu"dan vinger Fransishku Konseysauni sotib olish opsiyasini faollashtirmaydi.
22 yoshli futbolchi 2024/25 yilgi mavsumni ijara asosida Turin klubida o‘tkazdi. Kelishuvda portugaliyalikni 32 mln yevroga sotib olish imkoniyati bor, biroq "Yuventus" bu bandni e’tiborsiz qoldirishga qaror qildi, deb xabar beradi Sky Sport. "Keksa sinyora" rahbariyati belgilangan summani oshirib yuborilgan deb hisoblamoqda. Biroq, bu Konseysau aniq ketadi degani emas: klublar hali ham futbolchini Italiya grandi uchun foydaliroq bo‘lgan boshqa shartlar asosida transfer qilish bo‘yicha muzokaralar olib borishi mumkin.
Fransishku Konseysau o‘tgan mavsumda "Yuventus" safida 37 ta o‘yinda 5 ta gol va 6 ta golli uzatmaga mualliflik qilgan.
