"Ювентус" "Порту"дан вингер Франсишку Консейсауни сотиб олиш опциясини фаоллаштирмайди.
22 ёшли футболчи 2024/25 йилги мавсумни ижара асосида Турин клубида ўтказди. Келишувда португалияликни 32 млн еврога сотиб олиш имконияти бор, бироқ "Ювентус" бу бандни эътиборсиз қолдиришга қарор қилди, деб хабар беради Sky Sport. "Кекса синьора" раҳбарияти белгиланган суммани ошириб юборилган деб ҳисобламоқда. Бироқ, бу Консейсау аниқ кетади дегани эмас: клублар ҳали ҳам футболчини Италия гранди учун фойдалироқ бўлган бошқа шартлар асосида трансфер қилиш бўйича музокаралар олиб бориши мумкин.
Франсишку Консейсау ўтган мавсумда "Ювентус" сафида 37 та ўйинда 5 та гол ва 6 та голли узатмага муаллифлик қилган.
