Ispaniya yoshlar terma jamoasi futbolchisi va "Barselona" himoyachisi Jerar Martin 21 yoshgacha bo‘lgan futbolchilar o‘rtasidagi Yevropa chempionati doirasida Slovakiyaga qarshi o‘yinda (3:2) jarohat olib safdan chiqdi.
Kataloniya klubi matbuot xizmati tarqatgan xabarga ko‘ra, Martinga o‘ng qo‘lining beshinchi kaft suyagi asosi chiqishi tashxisi qo‘yilgan. Jarrohlik amaliyoti seshanba kuniga rejalashtirilgan bo‘lib, operasiya "Barsa" tibbiy shtabi nazorati ostida o‘tkaziladi.
- Jarrohlik amaliyotidan so‘ng tiklanish muddatlari haqida qo‘shimcha ma’lumot beriladi, - deya qo‘shimcha qildi klub.
Yakunlangan mavsumda Martin "Barselona" safida barcha musobaqalarda 42 ta o‘yinda maydonga tushib, 1 ta gol va 6 ta golli uzatmani amalga oshirdi.
