Madridning "Atletiko" klubi Endryu Robertsonni chap qanot himoyachisi sifatida ko‘rmoqda.
Bu haqda insayder Fabrisio Romano xabar bermoqda. La Liga klubi 31 yoshli futbolchiga jiddiy qiziqish bildirmoqda, biroq "Liverpul"ning futbolchiga bergan yuqori bahosi tufayli uning ehtimoliy transferi murakkablashishi mumkin. Tez orada "Bornmut"dan yosh Milosh Kerkez jamoaga kelib qo‘shilishiga qaramay, ingliz klubi tajribali shotlandiyalikni qo‘yib yuborish niyatida emas.
2024/25 yilgi mavsumda himoyachi 45 ta o‘yinda maydonga tushib, ikkita golli uzatmani amalga oshirdi. Futbolchining "Liverpul" bilan shartnomasi 2026 yilning yozigacha amal qiladi.
