Мадриднинг "Атлетико" клуби Эндрю Робертсонни чап қанот ҳимоячиси сифатида кўрмоқда.
Бу ҳақда инсайдер Фабрицио Романо хабар бермоқда. Ла Лига клуби 31 ёшли футболчига жиддий қизиқиш билдирмоқда, бироқ "Ливерпуль"нинг футболчига берган юқори баҳоси туфайли унинг эҳтимолий трансфери мураккаблашиши мумкин. Тез орада "Борнмут"дан ёш Милош Керкез жамоага келиб қўшилишига қарамай, инглиз клуби тажрибали шотландияликни қўйиб юбориш ниятида эмас.
2024/25 йилги мавсумда ҳимоячи 45 та ўйинда майдонга тушиб, иккита голли узатмани амалга оширди. Футболчининг "Ливерпуль" билан шартномаси 2026 йилнинг ёзигача амал қилади.













