"Sporting" hujumchisi Viktor Dyokeresh faoliyatini davom ettirish uchun "Arsenal"ga o‘tishni ustuvor variant deb hisoblamoqda.

The Times nashri tarqatgan xabarga ko‘ra 27 yoshli futbolchi "Manchester Yunayted" bilan muloqotda londonliklar safiga o‘tishni ma’qul ko‘rayotganini ma’lum qilgan. Shu bilan birga, "kanonirlar" kelishuvga erishish-erishmasligi hozircha noma’lum.

Manbaga ko‘ra, klubda Dyokereshning transferi borasida yakdil fikr yo‘q. Ba’zilar uni sotib olish kerak deb hisoblasa, boshqalar "Leypsig" forvardi Benyamin Sheshkoning transferini qo‘llab-quvvatlamoqda.

2024/25 yilgi mavsumda Dyekeresh barcha musobaqalarda 52 ta o‘yin o‘tkazib, 54 ta gol urdi va 13 ta golli uzatmani amalga oshirdi. Uning "Sporting" bilan shartnomasi 2028 yilning yozigacha mo‘ljallangan. Transfermarkt ma’lumotlariga ko‘ra, futbolchining narxi 75 million yevroga teng.