"Спортинг" ҳужумчиси Виктор Дьёкереш фаолиятини давом эттириш учун "Арсенал"га ўтишни устувор вариант деб ҳисобламоқда.
The Times нашри тарқатган хабарга кўра 27 ёшли футболчи "Манчестер Юнайтед" билан мулоқотда лондонликлар сафига ўтишни маъқул кўраётганини маълум қилган. Шу билан бирга, "канонирлар" келишувга эришиш-эришмаслиги ҳозирча номаълум.
Манбага кўра, клубда Дьёкерешнинг трансфери борасида якдил фикр йўқ. Баъзилар уни сотиб олиш керак деб ҳисобласа, бошқалар "Лейпциг" форварди Беньямин Шешконинг трансферини қўллаб-қувватламоқда.
2024/25 йилги мавсумда Дьекереш барча мусобақаларда 52 та ўйин ўтказиб, 54 та гол урди ва 13 та голли узатмани амалга оширди. Унинг "Спортинг" билан шартномаси 2028 йилнинг ёзигача мўлжалланган. Transfermarkt маълумотларига кўра, футболчининг нархи 75 миллион еврога тенг.
