"Yuventus" bosh murabbiyi Igor Tudor klub bilan 2027 yilning iyunigacha mo‘ljallangan yangi mehnat shartnomasini imzoladi. Kelishuvda shartnomani yana bir yilga uzaytirish imkoniyati ham bor.
Bu haqda La Gazzetta dello Sport nashri xabar bermoqda. 47 yoshli mutaxassis bilan hamkorlikni davom ettirish qarori jamoa ichida to‘liq qo‘llab-quvvatlandi. Qayd etilishicha, Tudor tez orada futbolchilar bilan aloqa o‘rnatdi va o‘zini kuchli yetakchi sifatida ko‘rsatdi, bu esa yangi kelishuv bo‘yicha muzokaralarda muhim rol o‘ynadi.
Xorvatiyalik murabbiy Turin jamoasini 2025 yilning mart oyida qabul qilib olgandi. Uning qo‘l ostida "Yuventus" Italiya chempionatida to‘qqizta o‘yin o‘tkazdi: beshta g‘alaba, uchta durang va bitta mag‘lubiyat.
