Yozda "Manchester Siti"ga o‘tgan yarim himoyachi Tidjani Reynders o‘zini Kevin de Bryuynening o‘rinbosari deb hisoblamasligini aytdi.
"Men jamoaga Kevinni o‘rnini bosish uchun kelganim yo‘q. Futbolimni ko‘rsataman. Men turli o‘yinchilarning eng yaxshi jihatlarini olib, ularni o‘z o‘yinimga moslashtirishga harakat qilaman. Agar de Bryuyneni oladigan bo‘lsak, uning maydonni qanday skanerlashi va to‘p uzatishi meni doim o‘ziga jalb qilgan," - deya havbekning so‘zlarini keltiradi City Xtra.
Reynders bir necha kun oldin "Milan"dan Angliya top-klubiga ko‘chib o‘tgan edi. 26 yoshli niderlandiyalik yarim himoyachi "shaharliklar" bilan 2030 yil iyun oyi oxirigacha mo‘ljallangan mehnat shartnomasini imzoladi.
