Niderlandiya terma jamoasining sobiq darvozaboni Edvin van der Sar braziliyalik vinger Antoni "Manchester Yunayted"da ikkinchi imkoniyatni qo‘lga kiritishi kerak, deb hisoblamoqda.

"Men hozir transfer masalalarini hal qiladigan holatda emasman. Lekin aytishim mumkinki, "MYU" to‘g‘ri yo‘nalishda ketmoqda. Garnacho jamoani tark etishi ehtimoli yo‘q emas. Unday bo‘lsa, Antonini qaytarishni taklif qilgan bo‘lardim. Ammo bu ro‘y beradimi yoki yo‘q, bilmayman," - deya niderlandiyalikning so‘zlarini keltiradi The Sun.

2024/2025 yilgi mavsumning ikkinchi qismini Antoni Sevilyaning "Betis" jamoasida o‘tkazdi. 25 yoshli braziliyalik futbolchi Ispaniya chempionatida 17 ta o‘yinda qatnashib, 5 ta gol va 2 ta golli uzatmani o‘z hisobiga yozdirib qo‘ygan.