Нидерландия терма жамоасининг собиқ дарвозабони Эдвин ван дер Сар бразилиялик вингер Антони "Манчестер Юнайтед"да иккинчи имкониятни қўлга киритиши керак, деб ҳисобламоқда.
"Мен ҳозир трансфер масалаларини ҳал қиладиган ҳолатда эмасман. Лекин айтишим мумкинки, "МЮ" тўғри йўналишда кетмоқда. Гарначо жамоани тарк этиши эҳтимоли йўқ эмас. Ундай бўлса, Антонини қайтаришни таклиф қилган бўлардим. Аммо бу рўй берадими ёки йўқ, билмайман," - дея нидерландияликнинг сўзларини келтиради The Sun.
2024/2025 йилги мавсумнинг иккинчи қисмини Антони Севильянинг "Бетис" жамоасида ўтказди. 25 ёшли бразилиялик футболчи Испания чемпионатида 17 та ўйинда қатнашиб, 5 та гол ва 2 та голли узатмани ўз ҳисобига ёздириб қўйган.
