"Yuventus" Kenan Yildiz bilan shartnomani uzaytirmoqchi.
La Gazzetta dello Sport nashri xabariga ko‘ra, turinliklar klubi 20 yoshli yarim himoyachiga 2030 yilgacha maoshi yiliga 3-4 million yevroga ko‘tariladigan shartnoma taklif qiladi. Yildiz bilan shartnomani uzaytirish klublar o‘rtasidagi jahon chempionatidan keyin rejalashtirilgan.
Qayd etilishicha, "Yuventus" Yildizni ham o‘yin, ham tijorat nuqtai nazaridan muhim futbolchi deb biladi. Kenanning klub bilan amaldagi shartnomasi 2029 yilda yakuniga yetadi.
Yildiz o‘tgan mavsum A Seriyada 35 ta o‘yinda maydonga tushib, 7 ta gol urdi va 4 ta golga assistentlik qildi.
