"Ювентус" Кенан Йилдиз билан шартномани узайтирмоқчи.
La Gazzetta dello Sport нашри хабарига кўра, туринликлар клуби 20 ёшли ярим ҳимоячига 2030 йилгача маоши йилига 3-4 миллион еврога кўтариладиган шартнома таклиф қилади. Йилдиз билан шартномани узайтириш клублар ўртасидаги жаҳон чемпионатидан кейин режалаштирилган.
Қайд этилишича, "Ювентус" Йилдизни ҳам ўйин, ҳам тижорат нуқтаи назаридан муҳим футболчи деб билади. Кенаннинг клуб билан амалдаги шартномаси 2029 йилда якунига етади.
Йилдиз ўтган мавсум А Серияда 35 та ўйинда майдонга тушиб, 7 та гол урди ва 4 та голга ассистентлик қилди.
