Turinning "Yuventus" klubiga tegishli bo‘lgan markaziy hujumchi Dushan Vlaxovich Fransiya chempionatiga ko‘chib o‘tishi mumkin. Bu haqda Caught Offside jurnalistlari xabar bermoqda.
Manbaga ko‘ra, 25 yoshli serbiyalik hujumchining xizmatlariga "PSJ" qiziqish bildirmoqda. Liga 1 chempioni joriy transfer oynasida kelishuvni rasmiylashtirishi mumkin. Vlaxovichning bozor narxi 45 million yevroga baholanmoqda.
O‘tgan mavsumda hujumchi "keksa sinyora"ning 41 ta o‘yinida ishtirok etgan. Dushan o‘z hisobiga 15 ta gol va beshta golli uzatmani yozdirib qo‘ydi. Uning Turin grandi bilan mehnat shartnomasi 2026 yilning yozida o‘z nihoyasiga yetadi.
