Londonning "Arsenal" klubi hujumchi pozisiyasini kuchaytirish ustida ishlashda davom etmoqda.
"Kanonirlar" Viktor Dyokereshga asosiy da’vogar sifatida ko‘rilayotgandi, ammo yaqinda ma’lum bo‘lishicha, ular Lissabonning "Sporting" klubidan shvedni o‘z safiga qo‘shib olishga shoshilmayapti. Jurnalist Sebastyan Pinto ma’lumotiga ko‘ra, 27 yoshli forvard London grandining nishonlari qatorida qolmoqda, jamoa bosh murabbiyi Mikel Arteta esa "RB Leypsig"dan 22 yoshli Benyamin Sheshko nomzodini ma’qul ko‘rmoqda.
Transfermarkt portali Dyokereshning narxini 75 mln yevroga, Sheshkoning narxini esa 70 mln yevroga baholagan.
Ma’lumotlarga qaraganda, Dyokeresh faoliyatini "Arsenal"da davom ettirmoqchi. U kuni kecha "Manchester Yunayted"ga rad javobini bergandi.













