Milanning "Inter" klubi bosh murabbiyi Kristian Kivuning aytishicha, jamoa bor e’tiborini bo‘lajak o‘yinlarga qaratgan va bahorning muvaffaqiyatsiz yakunlanishi haqida o‘ylamayapti.
"Neradzurrilar" A Seriya chempionligini "Napoli"ga boy berdi, keyin esa Chempionlar Ligasi finalida "PSJ"ga 0:5 hisobida yutqazdi. Shundan so‘ng bosh murabbiy lavozimini Simone Indzagi tark etdi, uning o‘rniga Kivu tayinlandi.
"Inter" o‘tmish haqida o‘ylamayapti. Biz o‘zimizning eng yaxshi versiyamiz bo‘lishni xohlaymiz, jismoniy yoki psixologik pasayish uchun hech qanday bahona bo‘lishi mumkin emas. Biz tayyormiz va maksimumni ko‘rsatmoqchimiz. Jamoa maydonga tushib, so‘nggi yillarda erishgan natijalarini davom ettirish uchun ambisiya va g‘ururga ega bo‘lishi kerak. Motivasiyada kamchilik bo‘lmaydi. Klublar o‘rtasidagi jahon chempionatida borimizni beramiz," - dedi ruminiyalik murabbiy matbuot anjumanida.
