Миланнинг "Интер" клуби бош мураббийи Кристиан Кивунинг айтишича, жамоа бор эътиборини бўлажак ўйинларга қаратган ва баҳорнинг муваффақиятсиз якунланиши ҳақида ўйламаяпти.
"Нерадзуррилар" А Серия чемпионлигини "Наполи"га бой берди, кейин эса Чемпионлар Лигаси финалида "ПСЖ"га 0:5 ҳисобида ютқазди. Шундан сўнг бош мураббий лавозимини Симоне Индзаги тарк этди, унинг ўрнига Киву тайинланди.
"Интер" ўтмиш ҳақида ўйламаяпти. Биз ўзимизнинг энг яхши версиямиз бўлишни хоҳлаймиз, жисмоний ёки психологик пасайиш учун ҳеч қандай баҳона бўлиши мумкин эмас. Биз тайёрмиз ва максимумни кўрсатмоқчимиз. Жамоа майдонга тушиб, сўнгги йилларда эришган натижаларини давом эттириш учун амбиция ва ғурурга эга бўлиши керак. Мотивацияда камчилик бўлмайди. Клублар ўртасидаги жаҳон чемпионатида боримизни берамиз," - деди руминиялик мураббий матбуот анжуманида.
