"Manchester Siti" yarim himoyachisi Fil Foden akademiyadan asosiy jamoagacha bo‘lgan yo‘lni bosib o‘tgan klubga tegishli bo‘lish o‘zi uchun qanchalik muhimligini ta’kidladi.

- Bunday holat kamdan-kam uchraydi - o‘yinchi yoshligidan bir klub ichida rivojlanib, asosiy tarkibga kirib keladi va u bilan birga sovrinlarni qo‘lga kiritadi. Jamoa ichida katta bir oiladek birdamlik muhiti hukm surmoqda, - deya uning so‘zlarini FIFA rasmiy sayti keltiradi.

Foden 2009 yildan beri "Siti" tizimida faoliyat yuritmoqda. U o‘tgan mavsumda 45 ta o‘yinda maydonga tushib, 10 ta gol urdi va sheriklariga 6 ta golli uzatma berdi.