"Yuventus" hujumchisi Dushan Vlaxovich faoliyatini "Milan"da davom ettirishga tayyorligini bildirdi, deya xabar bermoqda insayder Nikolo Skira.
Manbaga ko‘ra, u Turin klubining rejalariga kirmaydi va ketishga tayyor, ammo maoshning juda yuqoriligi muammo bo‘lib qolmoqda.
Parallel ravishda 25 yoshli serbiyalik futbolchi Saudiya Arabistoni jamoalarining unga mavsum davomida 20 million yevro atrofida mablag‘ taklif qilgan bir nechta takliflarini rad etdi.
"Yuventus" Vlaxovichni 2022 yilning qishida "Fiorentina"dan 81,6 million yevroga sotib olgandi. U joriy mavsumda 41 ta o‘yinda 15 ta gol va 5 ta golli uzatmaga mualliflik qilgan.
