"Al-Hilol" bosh direktori Esteve Kalsada klub va butun liganing yozgi transfer oynasidagi ehtimoliy faolligi haqida fikr bildirdi.
Uning so‘zlariga ko‘ra, Saudiya futbolini rivojlantirish rejalari moliyaviy imkoniyatlardan ancha yuqori.
- Bu yozda Saudiya Arabistoniga yana bir mashhur futbolchi kelsa, ajablanmagan bo‘lardim. Mamlakatning strategiyasi va uzoq muddatli loyihasi bor, klublarning ambisiyalari yuqori. Ammo shuni tushunish kerakki, biz haqimizda mish-mishlar paydo bo‘ladi, chunki biz haqiqatan ham bozorda faol ishlaymiz," - dedi Kalsada Marca nashriga bergan intervyusida.
