Mixail Mudrik atrofidagi vaziyat qizg‘in davom etmoqda.

Bugun Angliya futbol assosiasiyasi “Chelsi” yarim himoyachisini antidoping qoidalarini buzganlikda rasman ayblagach, futbolchining vakillari hech qanday bayonot bermaslikka qaror qilishdi.

Jurnalist Ben Jeykobsning so‘zlariga ko‘ra, futbolchi tomoni ayblovlarga izoh bermagan va Mudrikning dekabr oyida aytgan bayonoti dolzarbligicha qolayotganini ta’kidlagan. O‘shanda futbolchi voqeani "shok" deb atagan va taqiqlangan moddalardan foydalanganini qat’iyan rad etgan.

Yangi izohlar yo‘qligiga qaramay, Mudrikning karyerasiga to‘rt yilgacha diskvalifikasiya tahdidi saqlanib qolmoqda.

2023 yilning yanvarida 70 million yevro evaziga “Chelsi”ga o‘tgan ukrainalik yosh futbolchining faoliyatining cho‘qqisida uzoq vaqt futboldan chetda qolish xavfi bor.