Михаил Мудрик атрофидаги вазият қизғин давом этмоқда.
Бугун Англия футбол ассоциацияси “Челси” ярим ҳимоячисини антидопинг қоидаларини бузганликда расман айблагач, футболчининг вакиллари ҳеч қандай баёнот бермасликка қарор қилишди.
Журналист Бен Жейкобснинг сўзларига кўра, футболчи томони айбловларга изоҳ бермаган ва Мудрикнинг декабрь ойида айтган баёноти долзарблигича қолаётганини таъкидлаган. Ўшанда футболчи воқеани "шок" деб атаган ва тақиқланган моддалардан фойдаланганини қатъиян рад этган.
Янги изоҳлар йўқлигига қарамай, Мудрикнинг карьерасига тўрт йилгача дисквалификация таҳдиди сақланиб қолмоқда.
2023 йилнинг январида 70 миллион евро эвазига “Челси”га ўтган украиналик ёш футболчининг фаолиятининг чўққисида узоқ вақт футболдан четда қолиш хавфи бор.
