Turinning "Yuventus" klubi "Tottenxem"ning 17 yoshli forvardi Mayki Murga qiziqish bildirmoqda. Bu haqda Italiyaning La Gazzetta dello Sport nashri yozmoqda.
"Keksa sinyora" tarkibni yoshartirish ishlarini davom ettirmoqda va "shporlar" hujumchisini istiqbolli variantlardan biri sifatida ko‘rmoqda.
Mur allaqachon kattalar darajasida porladi - o‘tgan mavsumda u 22 ta o‘yin o‘tkazib, uchta gol va to‘rtta golli uzatmani amalga oshirdi. Ayni paytda hujumchi Angliya U-19 terma jamoasi safida Yevropa chempionatida ishtirok etmoqda. Transfermarkt portali uni 18 mln yevroga baholamoqda.
2024/25 yilgi mavsum yakunlariga ko‘ra, "Yuventus" A Seriyada to‘rtinchi o‘rinni egalladi va Chempionlar Ligasining navbatdagi mavsumida Italiya sharafini himoya qiladi.
