Туриннинг "Ювентус" клуби "Тоттенхэм"нинг 17 ёшли форварди Майки Мурга қизиқиш билдирмоқда. Бу ҳақда Италиянинг La Gazzetta dello Sport нашри ёзмоқда.
"Кекса синьора" таркибни ёшартириш ишларини давом эттирмоқда ва "шпорлар" ҳужумчисини истиқболли вариантлардан бири сифатида кўрмоқда.
Мур аллақачон катталар даражасида порлади - ўтган мавсумда у 22 та ўйин ўтказиб, учта гол ва тўртта голли узатмани амалга оширди. Айни пайтда ҳужумчи Англия U-19 терма жамоаси сафида Европа чемпионатида иштирок этмоқда. Transfermarkt портали уни 18 млн еврога баҳоламоқда.
2024/25 йилги мавсум якунларига кўра, "Ювентус" А Серияда тўртинчи ўринни эгаллади ва Чемпионлар Лигасининг навбатдаги мавсумида Италия шарафини ҳимоя қилади.
