"Yuventus" Dushan Vlaxovichni yozda sotib yuborishga tayyor.
Serbiyalikning shartnomasi bir yildan keyin tugaydi, shuning uchun "byankonerilar" katta tovon puli talab qilmaydi. Insayder Nikolo Skiraning ta’kidlashicha, turinliklar 25 yoshli futbolchining narxini 20 mln yevroga baholagan. Hujumchi allaqachon Turkiya va Saudiya Arabistonidan kelgan bir nechta takliflarni rad etgan, chunki u Yevropaning top-klubida o‘ynashni xohlaydi. Xaridorlar uchun futbolchining maoshi jiddiy muammo bo‘lishi mumkin - hozir u yiliga 12 mln yevro oladi.
2022 yilning yanvarida "Yuventus" Dushan Vlaxovichni "Fiorentina"dan 83 million yevrodan ko‘proqqa sotib olgan edi. Hujumchining Transfermarkt portalidagi narxi - 35 mln yevro.













