Qirg‘iziston Respublikasining Issiqko‘l viloyatida joriy yilning 14–17 iyun kunlari sportning O‘zbek jang san’ati yo‘nalishi bo‘yicha Jahon kubogi musobaqasi bo‘lib o‘tdi.
Nufuzli musobaqada mamlakatimizdan 500 nafarga yaqin sportchi ishtirok etdi. Sirdaryo viloyatining Guliston shahri va Guliston tumanidagi bolalar-o‘smirlar sport maktablaridan ham 35 nafar sportchi qatnashdi.
Sirdaryolik sportchilar yuksak mahorat va iroda namoyon etib, 1 ta oltin, 6 ta kumush va 5 ta bronza medallarini qo‘lga kiritdi. G‘alaba bilan qaytgan sportchilar Guliston shahridagi 15-umumta’lim maktabida tantanali kutib olindi.
Tadbirda sport maktablarining rahbarlari, murabbiylar, ota-onalar va keng jamoatchilik vakillari ishtirok etdi. Musobaqa natijalari gulistonlik yosh sportchilarning jahon arenasida ham munosib o‘rin egallashga qodir ekanliklarini yana bir bor tasdiqladi.
