Қирғизистон Республикасининг Иссиқкўл вилоятида жорий йилнинг 14–17 июнь кунлари спортнинг Ўзбек жанг санъати йўналиши бўйича Жаҳон кубоги мусобақаси бўлиб ўтди.

Нуфузли мусобақада мамлакатимиздан 500 нафарга яқин спортчи иштирок этди. Сирдарё вилоятининг Гулистон шаҳри ва Гулистон туманидаги болалар-ўсмирлар спорт мактабларидан ҳам 35 нафар спортчи қатнашди.

Сирдарёлик спортчилар юксак маҳорат ва ирода намоён этиб, 1 та олтин, 6 та кумуш ва 5 та бронза медалларини қўлга киритди. Ғалаба билан қайтган спортчилар Гулистон шаҳридаги 15-умумтаълим мактабида тантанали кутиб олинди. 

Тадбирда спорт мактабларининг раҳбарлари, мураббийлар, ота-оналар ва кенг жамоатчилик вакиллари иштирок этди. Мусобақа натижалари гулистонлик ёш спортчиларнинг жаҳон аренасида ҳам муносиб ўрин эгаллашга қодир эканликларини яна бир бор тасдиқлади.