Madridning “Real” klubi yangi bosh murabbiyi Xabi Alonso jamoasining mashg‘ulotlarini tasvirga olish uchun dronlardan foydalanishni joriy qildi, deb xabar bermoqda Marca.
Kecha, 19 iyun kuni klub tarixida ilk bor mashg‘ulotlar vaqtida yuqoridan videoyozuvni amalga oshiruvchi va murabbiylar shtabiga futbolchilarning harakatlarini yaxshiroq tahlil qilish imkonini beruvchi dronlar kuzatildi.
Qayd etilishicha, dronlardan foydalanish murabbiylarga mashg‘ulotlar jarayonini yangi rakursdan ko‘rish, o‘yinchilarning harakatlari, joylashuvini tahlil qilish, jamoaning kuchli va zaif tomonlarini aniqlash imkonini beradi.
