Germaniyalik futbolchi Florian Virts “Liverpul” a’zosiga aylandi. Bu haqda klub matbuot xizmati xabar berdi.

22 yoshli futbolchi tibbiy ko‘rikdan muvaffaqiyatli o‘tdi va 2030 yilgacha bo‘lgan shartnomani imzoladi.

“Liverpul” Virts uchun 100 mln funt sterling to‘lov qiladi. Shuningdek, yana 16,5 mln funt bonuslar sifatida to‘lab beriladi. Shartnoma imzolangandan so‘ng Virs intervyu berdi:

“O‘zimni juda baxtiyor va faxrli his qilyapman. Nihoyat, barchasi yakunlandi. Yanada katta hayajondaman, chunki mening oldimda yangi bir sayohat turibdi. Men uchun Bundesligani tark etib, Premyer-ligaga o‘tish katta qaror edi. Birinchi o‘yinimni o‘ynashni sabrsizlik bilan kutyapman”.

Virts 2023/24 yilgi mavsumda “Bayer” bilan Bundesligada g‘olib bo‘ldi. Shuningdek, u jamoasi bilan Yevropa Ligasi finalchisiga aylandi.

Virs bugunga qadar Germaniya terma jamoasi safida 31 ta o‘yin o‘tkazib, 7 ta gol urgan.