Krishtianu Ronaldu hamon Saudiya Arabistonining “An-Nasr” klubi bilan shartnomasini uzaytirgani yo‘q. Agar bu 30 iyunga qadar amalga oshmasa, Ronaldu erkin agentga aylanadi.
Avvalroq matbuot Krishtianu Ronaldu "An-Nasr"da o‘ynashni davom ettirishga qaror qilgani haqida yozgan edi. Klub yulduz forvardga yozda tarkibni kuchaytirishni va’da qilgan va transferlar bo‘yicha qaror qabul qilishda uning fikri inobatga olinishini kafolatlagan.
Krishtianu Ronaldu hozir 40 yoshda. “Oltin to‘p”ning besh karra sohibi 2023 yil boshidan buyon “An-Nasr” safida to‘p tepmoqda.
