"Brentford" klubi qanot hujumchisi Kevin Shade Italiyaning "Napoli" klubi qiziqishlari doirasiga tushib qoldi. Bu haqda taniqli jurnalist Ekrem Konur xabar bermoqda.
Manbaga ko‘ra, "Napoli" allaqachon 23 yoshli germaniyalik futbolchining transferi bo‘yicha muzokaralarga kirishgan. Qayd etilishicha, "asalarilar" o‘z futbolchisini taxminan 50-60 million yevroga baholamoqda, garchi ikki yil oldin u "Frayburg"dan atigi 25 millionga sotib olingan bo‘lsa-da.
2024/25 yilgi mavsumda Shade barcha musobaqalarni hisobga olgan holda 43 ta o‘yinda 12 ta gol urdi va uchta golli uzatmani amalga oshirdi.
