"Брентфорд" клуби қанот ҳужумчиси Кевин Шаде Италиянинг "Наполи" клуби қизиқишлари доирасига тушиб қолди. Бу ҳақда таниқли журналист Экрем Конур хабар бермоқда.
Манбага кўра, "Наполи" аллақачон 23 ёшли германиялик футболчининг трансфери бўйича музокараларга киришган. Қайд этилишича, "асаларилар" ўз футболчисини тахминан 50-60 миллион еврога баҳоламоқда, гарчи икки йил олдин у "Фрайбург"дан атиги 25 миллионга сотиб олинган бўлса-да.
2024/25 йилги мавсумда Шаде барча мусобақаларни ҳисобга олган ҳолда 43 та ўйинда 12 та гол урди ва учта голли узатмани амалга оширди.
