Superliga 13-turidan o‘rin olgan "Navbahor" - OKMK (3:0) uchrashuvidan so‘ng mezbonlar bosh murabbiyi Sergey Lushan matbuot anjumanida ishtirok etdi.
"Bugun biz chempionat peshqadamlaridan biriga qarshi o‘ynadik. OKMK - juda kuchli jamoa. G‘alaba uchun yigitlarga katta rahmat, futbolchilarimiz ko‘rsatmalarni yaxshi bajarishdi.
Birga ish olib borayotganimiz uchun hammaga katta rahmat aytaman. Mavsum avvalida bir nechta yangi o‘yinchilarni qo‘shib oldik.
Qani endi imkon bo‘lsa-yu, Messini ham chaqirgan bo‘lardik. Umuman olganda hamma futbolchilar yaxshi harakat qilyapti, bizda ortiqcha o‘yinchi yo‘q", – dedi Lushan.
