Суперлига 13-туридан ўрин олган "Навбаҳор" - ОКМК (3:0) учрашувидан сўнг мезбонлар бош мураббийи Сергей Лушан матбуот анжуманида иштирок этди.
"Бугун биз чемпионат пешқадамларидан бирига қарши ўйнадик. ОКМК - жуда кучли жамоа. Ғалаба учун йигитларга катта раҳмат, футболчиларимиз кўрсатмаларни яхши бажаришди.
Бирга иш олиб бораётганимиз учун ҳаммага катта раҳмат айтаман. Мавсум аввалида бир нечта янги ўйинчиларни қўшиб олдик.
Қани энди имкон бўлса-ю, Мессини ҳам чақирган бўлардик. Умуман олганда ҳамма футболчилар яхши ҳаракат қиляпти, бизда ортиқча ўйинчи йўқ", – деди Лушан.













