A Seriya klublariga "Liverpul" vingeri Federiko Kyezani qo‘lga kiritish qiyin bo‘ladi.
27 yoshli futbolchiga "Milan" asosiy da’vogar bo‘lib turibdi. TMW xabariga ko‘ra, italiyalikning maoshi A Seriya vakillari uchun juda yuqori. "Rossonerilar" rahbariyati Kyezaga yiliga 7,5 mln yevro to‘lashga tayyor emas. Ehtimoliy yechim - shartnomaga kafolatlangan to‘lovlar o‘rniga ko‘plab bonuslarni kiritish, shuningdek, ish haqini uzoqroq muddatga taqsimlash ham mumkin. Har qanday holatda ham, manbaning ta’kidlashicha, ko‘p narsa "Milan" yozda sotuvlardan qancha daromad olishiga bog‘liq bo‘ladi.
Transfermarkt portali tomonidan 14 mln yevroga baholangan Federiko Kyezaning o‘zi ham Italiyaga qaytishni istamoqda. Futbolchiga "Napoli" ham qiziqish bildirmoqda.
