"Monako"ning 23 yoshli yarim himoyachisi Magnes Akliush faoliyatini Germaniya chempionatida davom ettirishi mumkin.
Jurnalist Florian Plettenbergning ma’lum qilishicha, fransiyalik futbolchiga Leverkuzenning "Bayer" klubi qiziqish bildirmoqda. Tomonlar dastlabki muzokaralarni allaqachon o‘tkazgan, ammo ta’kidlanishicha, "Monako" futbolchini jiddiy tovon pulisiz qo‘yib yubormoqchi emas va ehtimoliy transferning yuqori moliyaviy shartlarini e’lon qilgan.
2024/25 yilgi mavsumda Akliush barcha turnirlarda 43 ta o‘yin o‘tkazib, yettita gol va 12 ta golli uzatmani o‘z hisobiga yozdirib qo‘ydi. Uning monakoliklar bilan shartnomasi 2026 yilning yozigacha amal qiladi.
