"Монако"нинг 23 ёшли ярим ҳимоячиси Магнес Аклиуш фаолиятини Германия чемпионатида давом эттириши мумкин.

Журналист Флориан Плеттенбергнинг маълум қилишича, франциялик футболчига Леверкузеннинг "Байер" клуби қизиқиш билдирмоқда. Томонлар дастлабки музокараларни аллақачон ўтказган, аммо таъкидланишича, "Монако" футболчини жиддий товон пулисиз қўйиб юбормоқчи эмас ва эҳтимолий трансфернинг юқори молиявий шартларини эълон қилган.

2024/25 йилги мавсумда Аклиуш барча турнирларда 43 та ўйин ўтказиб, еттита гол ва 12 та голли узатмани ўз ҳисобига ёздириб қўйди. Унинг монаколиклар билан шартномаси 2026 йилнинг ёзигача амал қилади.