"Barselona" va "Monako"ning Ansu Fati bo‘yicha kelishuvi tafsilotlari ma’lum bo‘ldi.
Avvalroq, klublar vingerni keyinchalik sotib olish huquqi bilan ijaraga olish bo‘yicha kelishuvga erishgani xabar qilingandi.
"Monako" bilan to‘liq va yakuniy kelishuvga erishish uchun "Barsa" va futbolchi shartnomani uzaytirish bo‘yicha kelishib olishi kerak. Vingerning amaldagi shartnomasi 2027 yilda tugaydi va yana bir yilga uzaytirilishi kerak. Maqsad futbolchining maoshini ko‘proq yillarga taqsimlash, shunda "Monako" uni moliyaviy feyr-pley doirasiga sig‘dira oladi, deb yozadi Mundo Deportivo.
Avvaliga faqat 30 foiz to‘lamoqchi bo‘lgan monegaskliklar futbolchining maoshining 50 foizini to‘lashga rozi bo‘ldi.
Taxminlarga ko‘ra, Fati payshanba kuni Monte-Karloda tibbiy ko‘rikdan o‘tadi, juma kuni shartnoma imzolaydi va shanba kuni mashg‘ulotlarga kirishadi.
