Madridning “Real” klubi hujumchisi Gonsalo Garsiya yangi bosh murabbiy Xabi Alonso qo‘l ostida kuchli o‘yin ko‘rsatdi.
21 yoshli futbolchi klublar o‘rtasidagi jahon chempionati guruh bosqichi 3-turida (3:0) “Red Bull Zalsburg” darvozasini ishg‘ol qildi.
Avvalgi “Pachuka”ga qarshi o‘yinda (3:1) golli uzatmani amalga oshirgan bo‘lsa, birinchi turda “Al-Hilol” darvozasini ishg‘ol qilgandi (1:1).
Har uchala holatda ham Alonso hujumchini o‘yin boshidan maydonga tushirdi.
Marca xabariga ko‘ra, Garsiya birdaniga zaxira o‘yinchisidan klub uchun daxlsiz futbolchiga aylandi.
Murabbiy agar vaziyat taqozo etsa, hujumkor yulduzlardan ko‘ra yosh ispaniyalikni tanlashda muammo bo‘lmasligini aytib o‘tdi.
