Мадриднинг “Реал” клуби ҳужумчиси Гонсало Гарсия янги бош мураббий Хаби Алонсо қўл остида кучли ўйин кўрсатди.

21 ёшли футболчи клублар ўртасидаги жаҳон чемпионати гуруҳ босқичи 3-турида (3:0) “Ред Булл Зальцбург” дарвозасини ишғол қилди.

Аввалги “Пачука”га қарши ўйинда (3:1) голли узатмани амалга оширган бўлса, биринчи турда “Ал-Ҳилол” дарвозасини ишғол қилганди (1:1).

Ҳар учала ҳолатда ҳам Алонсо ҳужумчини ўйин бошидан майдонга туширди.

Marca хабарига кўра, Гарсия бирданига захира ўйинчисидан клуб учун дахлсиз футболчига айланди.

Мураббий агар вазият тақозо этса, ҳужумкор юлдузлардан кўра ёш испанияликни танлашда муаммо бўлмаслигини айтиб ўтди.