Yurtimiz bo‘ylab Superliga 14-tur o‘yinlari davom etmoqda. Bugun ham Toshkent va Samarqandda navbatdagi qarama-qarshiliklar muxlislar diqqat markazida bo‘ladi.

"Bunyodkor" - "So‘g‘diyona"

“Dinamo”ni yirik hisobda mag‘lub etib, "qaldirg‘och"lar sekinlik bilan bo‘lsa-da, "relsga tushib" olayotgandek. Oxirgi ikki o‘yinda muhim g‘alabalar qo‘lga kiritildi. Biri kubokda, biri ligada. Qisqasi, Zeytullayev shogirdlari o‘zlariga kela boshlayapti. Turning qolgan ikki o‘yinida qanday natija ko‘rsatishi ham ko‘pchilikni diqqat markazida bo‘ladi.

"So‘g‘diyona" esa seshanba kungi g‘alabasi orqali O‘zbekiston kubogida muvaffaqiyatga erishdi. Bu g‘alaba ham jamoaga yordam bersa kerak. Chunki jizzaxliklarning ruhiyatiga ijobiy ta’sir qilsa kerak.

Bu jamoa ruhiyatiga ijobiy ta’sir ko‘rsatishi tabiiy. Boshkovich sobiq jamoasiga qarshi nima sovg‘a tayyorlay olishi ham qiziq.

Qisqasi, yaxshi o‘yin bo‘ladi. Biroz ustunlik “Bunyodkor” tomonida bo‘lishi mumkin. Ammo qolganini vaqt ko‘rsatadi.

"Buxoro" - "Sho‘rtan"

Samarqandda autsayderlar to‘qnashuvi ham ko‘pchilikning diqqat markazida bo‘lishi tabiiy. Jadvalda mos ravishda 15-16-pog‘onalarda joylashishgan. "Buxoro”da yaxshi kayfiyatda “Sho‘rtan”ga tayyorgarlik ko‘rdi. Chunki chorshanba kuni kubokda sensasion tarzda OKMKni dog‘da qoldirgandi. "Sho‘rtan" esa 4-1 hisobida "Aral"ni yenga olgan. Bu tomondan ikkala jamoada ham ishlar joyida. Qisqasi, ikkisi ham chorak finalga yo‘l olgan. Bu qarama-qarshilikda kichik ustunlik foizlarda 55/45 "Buxoro" foydasiga.

Ko‘ramiz, qaysi klub mavsumdagi 3-g‘alabasiga erisharkan, yoki murosa ko‘chasini tanlab, duranglar sonini 4 taga yetkazisharmikan.