Madridning "Real" klubi sobiq himoyachisi Michel Salgado "qaymoqranglilar"ni asosiy tarkibda o‘z tarbiyalanuvchilari yo‘qligi uchun tanqid qilayotganlarga javob qaytardi.
Faxriyning ta’kidlashicha, "Real" sovrinlarni qo‘lga kiritayotgan paytda hech kim uning tarkibida qancha tarbiyalanuvchilar borligini eslamagan.
"Ketma-ket uchta Chempionlar Ligasida g‘alaba qozonganimizda, hech kim "Real" tarkibida qancha tarbiyalanuvchi borligini eslamadi. "Real" tarbiyalanuvchilar haqida o‘ylay olmaydi - u g‘alaba qozonishi kerak," - deya Salgadoning so‘zlarini keltiradi 3cat.
Bundan tashqari, Salgado Lionel Messi avlodi va Lamin Yamalning paydo bo‘lishi o‘rtasida sakkiz yil o‘tganini, bu vaqt davomida "Barsa" bunday sifatli futbolchilar bilan maqtana olmasligini ta’kidladi.
