Мадриднинг "Реал" клуби собиқ ҳимоячиси Мичель Сальгадо "қаймоқранглилар"ни асосий таркибда ўз тарбияланувчилари йўқлиги учун танқид қилаётганларга жавоб қайтарди.
Фахрийнинг таъкидлашича, "Реал" совринларни қўлга киритаётган пайтда ҳеч ким унинг таркибида қанча тарбияланувчилар борлигини эсламаган.
"Кетма-кет учта Чемпионлар Лигасида ғалаба қозонганимизда, ҳеч ким "Реал" таркибида қанча тарбияланувчи борлигини эсламади. "Реал" тарбияланувчилар ҳақида ўйлай олмайди - у ғалаба қозониши керак," - дея Сальгадонинг сўзларини келтиради 3cat.
Бундан ташқари, Сальгадо Лионель Месси авлоди ва Ламин Ямалнинг пайдо бўлиши ўртасида саккиз йил ўтганини, бу вақт давомида "Барса" бундай сифатли футболчилар билан мақтана олмаслигини таъкидлади.
