Milanning “Inter” klubi rahbari Juzeppe Marotta jamoaning klublar o‘rtasidagi jahon chempionatidan chiqib ketganidan so‘ng hayratlanarli bayonot berdi.
"Neradzurrilar" 1/8 final uchrashuvida “Fluminense”ga imkoniyatni boy berishdi (0:2). O‘yindan so‘ng jamoa sardori Lautaro Martines jamoadoshlaridan birining kayfiyati yaxshi emasligini ochiq aytdi.
"Lautaroning so‘zlari Chalxanog‘luga qaratilgan. Biz Xoqon bilan gaplashamiz. Agar yo‘llarimizni ajratish imkoni bo‘lsa, biz buni hech qanday muammosiz qilamiz", - dedi klub prezidenti.
Mish-mishlarga ko‘ra, Chalhanog‘lu klublar o‘rtasidagi jahon chempionati boshlanishidan oldin "Galatasaroy" bilan kelishuvga erishgan.
