"Inter" prezidenti Juzeppe Marotta klublar o‘rtasidagi jahon chempionatidan chiqib ketganidan so‘ng jamoaning o‘yini haqida o‘z fikri bilan o‘rtoqlashdi.
"Bu mavsumdagi 63-uchrashuvimiz bo‘ldi, futbol uchun g‘ayritabiiy ko‘rsatkich. Bu raqiblarimizdan 21 o‘yin ko‘p o‘tkazdik. Biz Italiyada ham, Yevropada ham kurashdik, ammo ikkinchi o‘rinni har doim ham muvaffaqiyatsizlikka tenglashtirib bo‘lmaydi. Bu mavsumni ijobiy deb hisoblash mumkin", - dedi Marotta.
Avvalroq, “Inter” Chempionlar ligasi finalida mag‘lub bo‘lgan, A Seriyada ikkinchi o‘rinni egallab, yarim final bosqichida Italiya kubogidan chiqib ketgandi.
