"Интер" президенти Жузеппе Маротта клублар ўртасидаги жаҳон чемпионатидан чиқиб кетганидан сўнг жамоанинг ўйини ҳақида ўз фикри билан ўртоқлашди.
"Бу мавсумдаги 63-учрашувимиз бўлди, футбол учун ғайритабиий кўрсаткич. Бу рақибларимиздан 21 ўйин кўп ўтказдик. Биз Италияда ҳам, Европада ҳам курашдик, аммо иккинчи ўринни ҳар доим ҳам муваффақиятсизликка тенглаштириб бўлмайди. Бу мавсумни ижобий деб ҳисоблаш мумкин", - деди Маротта.
Аввалроқ, “Интер” Чемпионлар лигаси финалида мағлуб бўлган, А Серияда иккинчи ўринни эгаллаб, ярим финал босқичида Италия кубогидан чиқиб кетганди.
