Vinger Charli Musonda o‘zining ijtimoiy tarmoqlardagi sahifasida professional futbolchilik faoliyatini yakunlaganini e’lon qildi. "Chelsi"ning sobiq futbolchisi ko‘plab jarohatlar tufayli sportni erta tark etishga majbur bo‘lmoqda.
Musonda uzoq yillar davomida katta iste’dod deb hisoblangan. U 15 yoshida 2,5 million yevro evaziga "Anderlext" akademiyasidan "Chelsi"ga o‘tgan. Biroq, uning G‘arbiy Londondagi faoliyati qisman ikkita jiddiy jarohat, xususan, orqa xoch ligamentining yorilishi tufayli rivojlanmadi.
"Betis" va "Vitess"dagi bir qator muvaffaqiyatsiz va jarohatli ijaralardan so‘ng, Musonda "Chelsi"ning asosiy jamoasi uchun atigi yettita rasmiy o‘yinda maydonga tushib, 1 ta gol urdi va 2 ta golli uzatmani amalga oshirdi.
2022 yilda u "Stemford Bridj"ni tark etdi va o‘sha paytda Ispaniyaning ikkinchi divizionida o‘ynagan "Levante" bilan shartnoma imzoladi. U yerda uzoq vaqt qolmadi va faoliyatining oxirida Musonda Kiprning "Anortosis Famagusta" klubida o‘ynadi va butsalarini mixga ildi.
