"Liverpul" bu yozda hujumchi pozisiyasi uchun kimni sotib olishni rejalashtirayotgani ma’lum bo‘ldi.
Sky Sport jurnalisti Florian Plettenbergning ma’lum qilishicha, ayni damda "Liverpul" yangi hujumchi sotib olishga e’tibor qaratmoqda. Ularning ro‘yxatidan hozirda uch nafar futbolchi o‘rin olgan: Ugo Ekitike, Aleksander Isak va Viktor Osimxen.
Qayd etilishicha, "qizillar" vakillari ushbu uch futbolchining har biri bo‘yicha ma’lumot to‘plagan va ularning asosiy nishoni Frankfurtning "Ayntraxt" klubi a’zosi 23 yoshli Ekitik bo‘lib turibdi. Ammo ma’lum bo‘lishicha, avvaliga fransiyalik hujumchini sotib olish uchun mersisaydliklar o‘z futbolchilaridan birini sotishi kerak bo‘ladi.
