"Ливерпуль" бу ёзда ҳужумчи позицияси учун кимни сотиб олишни режалаштираётгани маълум бўлди.

Sky Sport журналисти Флориан Плеттенбергнинг маълум қилишича, айни дамда "Ливерпуль" янги ҳужумчи сотиб олишга эътибор қаратмоқда. Уларнинг рўйхатидан ҳозирда уч нафар футболчи ўрин олган: Уго Экитике, Александер Исак ва Виктор Осимхен.

Қайд этилишича, "қизиллар" вакиллари ушбу уч футболчининг ҳар бири бўйича маълумот тўплаган ва уларнинг асосий нишони Франкфуртнинг "Айнтрахт" клуби аъзоси 23 ёшли Экитик бўлиб турибди. Аммо маълум бўлишича, аввалига франциялик ҳужумчини сотиб олиш учун мерсисайдликлар ўз футболчиларидан бирини сотиши керак бўлади.