Ansu Fati "Barselona"dagi davri va "Monako"ga o‘tishi haqida fikr bildirdi.

Oldinroq, Kataloniya klubi va 22 yoshli qanot hujumchisi shartnomani 2028 yil 30 iyungacha uzaytirganini ma’lum qilishgandi. Shundan so‘ng, "ko‘k-anorranglilar" futbolchini "Monako"ga bir mavsumga ijaraga berdi.

"Ochig‘ini aytganda, o‘zgarishlar yaxshilikka deb o‘ylayman. Men bu mavsumda shu yerda bo‘laman, ammo o‘sib-ulg‘aygan va tajriba orttirgan klubimga doimo minnatdor bo‘lib qolaman. Ko‘pchilik uni salbiy baholasa-da, men uchun bu ajoyib tajriba bo‘ldi.

Boshida juda yaxshi boshlagan edim, to‘g‘ri. Keyin esa jarohat oldim va o‘zim xohlagandek barqarorlikka erisha olmadim.

Umid qilamanki, bu yerda hamma narsa boshqacha bo‘ladi va men o‘zimga zarur bo‘lgan barqarorlikka erishaman. Eng muhimi shu: izchillik va agar murabbiy lozim topsa, ko‘p o‘ynash imkoniyatiga ega bo‘lish", - dedi Fati.